Visitors

hit counters

Saturday, May 21, 2016

தமிழின் எதிரி ராம்கோபால் வர்மா



1998 இல் ”ஜங்கிள் “படத்திற்காக ராம் கோபால் வர்மா முதுமலையில் ஷூட்டிங் செய்துகொண்டிருக்கும் போது வீரப்பனை பற்றின விபரங்கள் தெரிந்திருக்கிறது, ஒரு சாதாரண மனிதன் ஒரு சிறு படையை வெத்துக்கொண்டு காட்டிற்குள் ஒரு ராஜ்ஜியம் அமைப்பதும், இரண்டு மாநில காவல்துறையிடமும் சிக்காமல் தண்ணி காண்பித்ததும் அவரை வியக்க வைத்திருக்கின்றன. அதன் பின்னர் அவரைப்பற்றிய விபரங்களை சேகரித்து வீரப்பன் என்ற படத்தை இயக்கி இருக்கிறார்.

வீரப்பன் படத்தின் தமிழ் ட்ரைலர் வெளியீடு, மற்றும் பத்திரிக்கையாளர் சந்திப்பில் ”வீரப்பன் பப்ளிசிட்டிக்காக அலைபவர்” என்று கூறியிருப்பதும், படத்தில் அவர் தன் சொந்த மகளையே கொன்றதாக சொல்லியிருப்பதும் பத்திரிக்கையாளர்களிடையே பரபரப்பை ஏற்படுத்தியுள்ளது. எதன் அடிப்படையில் என்று கேட்கையில் என்னிடம் கிடைத்த ஆவணங்களின் அடிப்படையில் தான் இதை எடுத்தேன் என்று சொல்கிறார்.  இதை பார்க்கும் போது அவணங்களை பார்த்த மாதிரி தெரியவில்லை அவணங்களையே அவர் தான் உருவாக்கியது போல தெரிகிறது.

தமிழில் படம் எடுக்காதது பற்றி பத்திரிக்கையாளரிடம் “எனக்கு தெரியாத மொழியில் என்னால் எப்படி படம் எடுக்க முடியும்” என்று சொல்லியிருக்கிறார். அவருக்கு தெரியாத மொழியில் படம் எடுக்க முடியாது என்றால் அவருக்கு முழுமையாக தெரியாத ஒருவரை வைத்து எப்படி படம் எடுக்க முடியும்.

கன்னட சூப்பர் ஸ்டார்  ராஜ்குமாரை கடத்தியபோது கூட வீரப்பன் தன்னை துன்புறுத்தவில்லை என்றும் தன்னை மரியாதையுடன் உபசரித்து அனுப்பியதாக குறிப்பிட்டிருந்தார். தூங்கியவனை எழுப்பி விடலாம் தூங்கின மாதிரி நடிக்குறவன எழுப்ப முடியாதுன்னு சொல்லுவாங்க. ராம் கோபால் வர்மா இன்னும் நடித்துகொண்டு தான் இருக்கிறார்.

ரங்கீலா, சத்யா படங்களின் மூலம் தனக்கென தனி முத்திரையை பெற்றவர் ராம் கோபால் வர்மா. சமீபத்தில் வெளிவந்த படங்கள் பெரிதாக சோபிக்காவிட்டாலும், ராம் கோபால் வர்மா என்ற பெயர் அவரை இன்னும் தக்க வைத்துக்கொண்டு இருக்கிறது.

தமிழையும் தமிழர்களையும் பகடைக்காயாக உருட்டும் நபர்களில் ராம் கோபார் வர்மாவும் சேர்ந்திருக்கிறார். அதையும் வெட்கமே இல்லாமல் திரையில் பார்த்துவிட்டு வீரப்பனை காரித்துப்பும் அடுத்த தலைமுறைக்காகவே இப்படி ஒரு படம் எடுக்கப்பட்டு இருக்கிறது. அதையும் தமிழ்நாட்டிலே வந்து தமிழர்கள் மத்தியிலேயே வீரப்பனை அவதூராக பேசும் அவலமும் நடந்தேறியிருக்கிறது..
இதன்பின்னர் கண்டிப்பாக பெரும் அரசியல் பிண்ணனி இருக்க வாய்ப்பிருக்கிறது.

தமிழர்கள் எவ்ளோ அடித்தாலும் தாங்குவார்கள் என்று ராம் கோபால் வர்மாவுக்கும் தெரிந்துவிட்டது.. நாளைக்கே திருப்பூர் குமரன் ஒரு பொம்பள பொருக்கி, வீரபாண்டிய கட்டபொம்மன் வெள்ளைக்காரனின் கைக்கூலி, தஞ்சை பெரிய கோவில் சோழர்கள் கட்டவில்லை என்று படமெடுத்தாலும் ஆச்சர்யமில்லை... 

Friday, May 29, 2015

மாஸ் கொரிய படத்தின் காப்பியா?!?!?



வெங்கட் பிரபு இயக்கத்தில் சூர்யாவின் நடிப்பில் 29ம் தேதி வெளியானது மாஸ் திரைப்படம். அத்திரைப்படத்தின் கதைப்படி நாயகனுக்கு ஒரு விபத்து ஏற்படுகிறது அதன் பிறகு இறந்தவர்கள் சிலர் நாயகன் கண்ணுக்கு மட்டும் தெரிய வர அவர்களுடன் பழகி அவர்களுக்கு உதவுகிறார். சில நாட்களில் அந்த பவர் போய்விட நாயகன் கஷ்டப்படுகிறார் என போகிறது மாஸ் திரைப்படத்தின் கதை.2010ல் வெளிவந்த கொரியன் திரைப்படமான ஹலோ கோஸ்ட்-ன் கதை நாயகன் தற்கொலைக்கு முயற்சி செய்ய அது தோல்வியில் முடிகிறது. மருத்துவமனையில் இருக்கும் நாயகனுக்கு அங்கு இறந்தவர்கள் கண்ணுக்கு தெரிய வர அவர்களுக்கு உதவுகிறார். என்ன மேலே பார்த்த மாஸ் ஒன்லைன் மாதிரி இருக்கா ?!?!??

http://www.youtube.com/watch?v=Dje7QvPBZ3s

Sunday, July 13, 2014

OBAMA (SHORT FILM) - விமர்சனம்


"ஒபாமா" என டைட்டில் வைக்கும் போதே கண்டிப்பாக இந்த குறும்படம் வித்தியாசமாக இருக்கும் என எதிர்பார்த்தேன்... 

படத்தின் துவக்கமே ஒரு பெரிய தொழிலதிபரை கடத்த கதையின் நாயகன் அன்பு மற்றும் பிஜாய் இருவரும் திட்டமிடுகிறார்கள்... அன்பு சொல்வது போலவே பாலோ செய்து கடத்தியும் விடுகிறான் பிஜாய்... 

பிறகு தொழிலதிபர் மனைவிக்கு போன் செய்து பணம் கேட்டு மிரட்டி ஒரு பேங்க் அக்கவுண்ட்  நம்பருக்கு ஐந்து கோடி போட சொல்கிறான் அன்பு ...
போலீஸ் அக்கவுன்ட் நம்பரை பார்க்கையில் ஷாக்... அந்த தொழிலதிபரை கடத்திய பிஜாய் அக்கவுன்ட்... அப்போது ஒரு பார்சல் வருகிறது.. அதில் பிஜாய் கடத்திய வீடியோ இருக்கிறது...  

பிஜாயும் ஒரு தொழிலதிபர் என தெரிந்து தான் கடத்த வைக்கிறான் அன்பு... பிறகு பிஜாயை கட்டிப்போட்டு, அவன் கையில் துப்பாக்கியை வைத்து விட்டு... கடத்தப்பட்ட தொழிலதிபர் மீது தண்ணீர் தெளித்துவிட்டு சென்று விடுகிறான் அன்பு... அவன் முழித்து பார்க்கையில் எதிரே பிஜாய் துப்பாக்கியுடன் தூங்குவதை பார்த்து டக்கென்று காலில் இருந்த துப்பாகியால் சுட்டுவிட்டு அங்கிருந்து தப்பி விடுகின்றான்...  

போலீஸும், தொழில் போட்டியின் காரணமாக சக தொழிலதிபர் கொன்றதாக ஒரு முடிவுக்கு வருகின்றனர்... டிவியில் இந்த செய்தியை பார்த்துகொண்டிருக்கும் ஹீரோ  சிகரெட்டை வாயில் வைக்கிறார் பின் அதை அப்படியே தூக்கிபோட்டு காஸ்ட்லி சிகர்க்கு மாறுகிறார்.. 

அதற்க்கு பிறகே "ஒபாமா" என டைட்டில் வருகிறது... கிட்டத்தட்ட ஈசன் பட ஸ்டைல் தான்... 

இதற்க்கு பிறகு எப்படி இந்த கடத்தல் சாத்தியமானது எப்படி அவன் ஹீரோவிடம் சிக்கினான் இது மீதிக்கதை.. சொல்லபோனால் இந்த முடிச்சுகள் அவிழ்க்கும் காட்சிகள் படத்தின் பலம்... ஆனால் அதுவே படத்தின் பலவீனமாகவும் போய் விட்டது...

படத்தின் 80% காட்சிகள் நிகழ்வாகவும் 20% பிளாஷ்பேக் காட்சிகளாக வர வேண்டிய திரைக்கதை அப்படியே உல்டா ஆகி விட்டது...



இருந்தாலும் எந்த இடத்திலும் உச் கொட்டும் அளவுக்கு இழுவை இல்லாத காட்சிகளாலும் ஒவ்வொரு பாயின்ட் ஆபில் கதை மாறும் போதும் எப்படி சாத்தியம் ஆனது என்பது அழகான திரைக்கதை...

படத்தின் இசையும் படத்தொகுப்பும் மிகப்பெரிய பலம்... ஒளிப்பதிவு ஓகே...

படத்தின் ஒவ்வொரு கதாபாத்திரமும் அதன் வேலையை சரியாக செய்கிறது... சில நொடிகளே வரும் ஒரு கதாபாத்திரம் கூட க்ளைமேக்ஸில் தேவைப்பட்டிருக்கிறது...

பிளாஷ்பேக் காட்சிகளை கொஞ்சம் குறைத்திருந்தால் இன்னும் க்ரிஸ்பியாக இருந்திருக்கும்...


கதையில் அன்பு என்ற பெயரில் வரும் பாலா ஹாசனை சுற்றியே முழுக்கதையும் நகர்வதை அறிந்து தன் கதாபாத்திரத்தை சிறப்பாக செய்திருக்கிறார்... டயலாக் டெலிவரி எல்லாம்  அள்ளி வீசுகிறார்... கேமரா கூச்சம் என்றால் என்ன விலை என கேட்கும் அளவுக்கு வெகு இயல்பான நடிப்பு... தன் பாத்திரம் அறிந்து புகை பிடிப்பது, கேட்ட வார்த்தைகள், பஞ்ச் டயலாக் என அப்ளாஸ் அள்ளுகிறார்... "நமக்கு தேவை சிக்ஸர் அத புல் டாஸ் ல அடிக்குறோமா இல்ல யார்கர் ல அடிக்கிறோமாங்கிறது முக்கியமில்ல" இந்த ஒரு வசனத்திலேயே அப்ளாஸ் அடிக்கிறார்...


இயக்கம் விஜயசுந்தர்... தெளிவாக கால அவகாசம் எடுத்து இப்படத்தை உருவாக்கியிருக்கிறார்... அதுமட்டும் இன்றி ஒரு கதாபாத்திரத்திலும் நடித்திருக்கிறார்...  சிறு சிறு குறைகளை நீக்கிவிட்டு பார்த்தால் ஒபாமா ஒரு தரமான த்ரில்லர்...

படத்தின் ட்ரைலர்


You may like this