Visitors

hit counters

Monday, June 11, 2012

உருமி - விமர்சனம்


ஒரு ஊருல ஒரு ராஜா இருந்தாராம் என தொடங்கி கல்லூரி வரை நமது ஒவ்வொரு வருட பாட புத்தகத்திலும் உள்ள ஒரு பாடம் "வரலாறு"... ஆனால் வரலாறே பொய்யாக இருந்தால்??? அது போல ஒரு பொய்யில் உள்ள ஒரு உண்மை தான் இந்த "உருமி"...

1500 களில் கதை துவங்குகிறது... 

வாஸ்கோடகாமா என்னும் போர்சுக்கீசியன் முதன் முறையாக வியாபாரம் செய்ய இந்தியா வந்தடைகிறான்.. இந்தியாவில் அப்போதைய கால கட்டத்தில் இந்திய "மிளகு" க்கு ஈடான மிளகு எந்த நாட்டிலும் இல்லை... இதன் தரமும் இந்தியர்களையும் புரிந்து கொண்ட வாஸ்கோ சிலரை மட்டும் விட்டுவிட்டு நாடு திரும்புகிறான்... அவர்கள் கொஞ்சம் கொஞ்சமாக ஊருக்குள் சென்று அவர்கள் வேலையை தொடங்குகிறார்கள்...

இங்கு தான் ஆர்யாவுக்கு ஓபனிங் சீன்... அவர்களிடம் இருந்து மக்களை காப்பாற்றுகிறார் (பாத்து பாத்து சலிச்சு போச்சு)... அதே நேரம் வாஸ்கோ மீண்டும் இந்தியா திரும்புகிறான்... இந்த முறை பெரும் படையுடன்... கப்பலில் ஹஜ் சென்ற முஸ்லீம்களை உயிருடன் கொல்கிறான்... பேச்சுவார்த்தைக்கு மகனையும், இன்னொருவனையும் ஆர்யா அனுப்ப, சென்ற இந்தியனின் காதை அறுத்து நாயின் காதை பொருத்தி அசிங்கப்படுத்துகிரார்கள். தக்க சமயம் பார்த்து மகனை காப்பாற்றி விட்டு அவர்களிடம் சுடப்படுகிரார் ஆர்யா.


பிறகு மீண்டும் கதை 2012 க்கு வருகிறது...ப்ரித்விராஜ், பிரபுதேவா கோவாவில் ஒரு BAR இல் வேலை செய்கிறார்கள்... பிரித்வி பேரில் உள்ள ஒரு பழைய நிலம் கேட்டு ஒரு வாய்ப்பு வர, மீண்டும் ஊருக்கு செல்கிறார்கள்...அந்த இடத்தில் ஒரு அனாதை இல்லம் இருக்கிறது... விற்க வேண்டாம் என அதை நிர்வகிக்கும் வித்யா பாலன் கேட்க, பணமே முக்கியம் என இடத்தை விற்க முடிவு செய்ய சில கும்பலால் கடத்தப்பட்டு அவர்களில் ஒருவன் பிரித்வியின் வரலாறை சொல்கிறான்.

மீண்டும் கதை 1500களில்,

கறையை தொட்ட மகன் பிணங்களிடம் இருந்த நகைகளை வைத்து "உருமி" செய்கிறான்... ஒரு முஸ்லீம் சிறுவனுடன் சேருகிறான். வளர்ந்து  ப்ரித்விராஜ், பிரபுதேவா ஆகிறார்கள். தன் தந்தையை கொன்றவர்களை கொன்றே தீர வேண்டும் என்ற வெறியுடன் இருக்க, கிடைத்த சந்தர்பங்களை எப்படி பயன்படுத்தினான். வாஸ்கோ வை கொன்றானா??? என்பது தான் மீதிக்கதை...

பாராட்டுகள் :
  1. எங்கு திரும்பினாலும் கையில் ஒரு ரோஜா, காபி ஷாப் , I AM IN LOVE WITH HER என்று அரைத்த மாவையே அரைத்த தமிழ் சினிமாவில் அரவானுக்கு பிறகு ஒரு மாறுபட்ட கதைக்களம்
  2. இது போன்ற ஒரு வரலாறு படம், போட்ட பணம் வருமா வராதா என்பது பற்றி கவலை படாமல் பணம் போட்ட ப்ரித்விராஜ்
  3. ஸ்ரீகர் பிரசாத்தின் படத்தொகுப்பு... (யானை சேற்றில் கால் வைக்கும் காட்சி அழகாக காட்டப்பட்டிருக்கும்)...
  4. சந்தோஷ் சிவனின் ஒளிப்பதிவு... (சொல்ல வேண்டிய அவசியமே இல்லை) (ஆனாலும் மிக முக்கியமாக அருவி நீரின் வழியே ஜெனிலியாவை பார்க்கும் காட்சி -- எனக்கு பிடித்திருந்தது )
  5. பாடல்கள் மற்றும் பின்னணி இசை...
    (முக்கியமாக "கொண்டாடு" பாடல்)

பரித்விக்கு ஜெனிலியாவும், பிரவு தேவாவுக்கு நித்யா மேனனும் 
லவ்வுகிறார்கள்... அதிலும் பிரபு நித்யா காட்சிகள் படு சுவாரஸ்யம்... 
நித்யா மேனனை கரெக்ட் செய்ய பிரபு தேவா முயற்சி செய்யும் காட்சிகள் செம காமெடி....


சண்டை காட்சியிலும் சரி, பிடித்த முயலின் வயிற்றை பார்த்து இது கர்பமாக இருக்கு கொல்ல வேண்டாம்.என்று சொல்லும் இடத்திலும், முக்கியமாக ஜெனிலியாவிடம் கொஞ்சம் கூட வழியாத ஒரு வீரனாகவும் பரிதவி ராஜ் அப்ளாஸ் அடிக்கிறார்...

பிரித்வி + பிரபு தேவா காமிநேஷன் சூப்பர்... உடல் மொழியிலும் சரி வசனங்களும் சரி இருவருக்கும் சரியான பொருத்தம்...

இந்த படத்தை பார்த்தவர்கள் இனிமேல் ஜெனிலியாவை லூசு பொண்ணு என்று சொல்ல மாட்டார்கள்... அப்படி ஒரு நடிப்பு... கோபம, வீரம் என கண்ணிலேயே காட்டும் நேரத்திலும் சரி... சண்டை போடா வேண்டாம் என பிரித்வி சொல்லும் நேரத்தில் ஏக்கத்துடனும் கோவத்துடனும் பொண்ணுங்க சண்டை போடக்கூடாதா னு கேக்கும் இடத்திலும் சரி... செம நடிப்பு...

ஒரு சீனில், காலை உந்தி சுற்றி இன்னொரு காலை மடக்கி குனிந்தபடியே பிரித்வி யை பார்ப்பார்....அடங்கப்பா..!!! (பாவம் புள்ள எத்தனை TAKE எடுத்துச்சோ???)


வாஸ்கோ, வாச்கொவின் மகனாக வருபவன், கோழை இளவரசன், அவனுக்கு ஆமாம் போட்டு பிறகு மன்னரையே கொல்ல திட்டம் போட்டு கொடுக்கும் அந்த அரவான் கேரக்டரும் சிறப்பான நடிப்பை வெளிப்படுத்தி உள்ளனர்...

தேவை இல்லாதவை:

  1. ஒரு பாட்டில் தபு தேவை இல்லாத சேர்ப்பு... அயிடம் சாங் வைக்க இது என்ன பேரரசு படமா???
  2. 2012 இல் குகைக்குள் ஆர்யா பேசும் காட்சியில் ஆர்யாவின் குரல் படு கேவலம்
  3. வித்யாபாலன் வரும் சலனம் பாடல். திரைக்கதையில் ஒரு தேவை இல்லாத முட்டுக்கட்டை

படத்தில் பிடித்த வசனங்கள்:

  1. வித்யா பாலன்: உங்களுக்கு கொஞ்சம் கூட சமுதாய அக்கறை இல்லையா???
    பிரித்வி & பிரபு: (கலந்து பேசி விட்டு).... ஹ்ம்ம் இல்லை.
  2. அரவான்: உன் விரோதி யார்?
    பிரித்வி: கையில் ஒன்று வைத்து கண்ணில் கள்ளம் உள்ளவன்
  3. பிரபு தேவா: இப்பவும் அப்பா அது சொன்னாரு இது சொன்னாருன்னு சொல்லாதே... இந்த இடம் சரியில்ல... வா சீக்ரம் போய்டலாம்...
  4. பிரித்வி: நெஞ்சில் உரம் இருந்தால் என்னுடன் வா... ஆண்மையின் அர்த்தத்தை போர்களத்தில் காட்டுகிறேன்...
  5. அரவான்: படுக்கையிலாவது உன் ஆண்மையை காட்டு 
  6. பிரபு: உருமி மட்டும் தான் கொடுத்தியா??? இல்ல உன் மனசையும் சேர்த்து கொடுத்துட்டியா??
  7. பிரித்வி: என் உயிருக்குள் உயிராய் இரு பெண்ணே... எனக்காக உன் உயிரோடு திர்ம்புகிறேன்... 
  8. அரசன்: ஈசன் தந்த கடலுக்கு சுங்கம் வாங்க வெள்ளையனுக்கு என்னடா உரிமை? இதை தந்தவன் தொண்டை குழியில் சொருகி வை.
  9. பிரபு: அடுத்த பிறந்தநாளை நான் காணவே கூடாது. அது தானே உன் ஆசை.
  10. (இறக்கும் நேரத்தில் ப்ரித்வியிடம்) பிரபு: நாளைக்கு இந்த வவ்வாலிய ஒருத்தனுக்கும் தெரியாது... நீ எனக்கு ஒரு வாக்கு கொடு. அந்த பிசிராயன் வாஸ்கோவோட பெயரை, நாளைக்கு இந்த உலகம் வாழ்த்தக்கூடாது
  11. பிரித்வி: இந்த மண்ணில பிறந்து வாழ்ந்தவங்களோட கனவு... அந்த கனவு இப்ப என்னோடது...அந்த கனவை நனவாக்குவது என்னோட கனவு... 
குறைகள் வெகு சிலவே இருந்தாலும், ஒரு நல்ல திரைபடத்தை கொடுத்ததற்கு சந்தோஷ், பிரித்வி இருவருக்கும் என் மனமார்ந்த பாராட்டுகள் ( ஒரு இந்தியனாய்)

-- G.A. கெளதம் 

Thursday, January 12, 2012

அது அப்படித்தான் - 1 (தானே புயல், கனிமொழி)

 "தானே" ஆடிய கோர தாண்டவம்:



தானே ஆடிய கோர தாண்டவம் அனைவரும் அறிந்ததே... இதனால், புத்தாண்டை கொண்டாட முடியவில்லை என்று ஒரு புறமும், லீவுக்கு ஊருக்கு போக முடியவில்லை எனவும் ஒரு சாரர் வருந்திக்கொண்டிருக்க, இந்த புயலால் ஒரு மினி சுனாமியையே வாங்கியது போல தத்தளிப்பில் உள்ளது கடலோர பகுதிகள்.... புயல் செய்த கொடுமையை விட நமது அரசு செய்யும் கொடுமையே அதிகம்...


பாதிக்கப்பட்டவர்களுக்கு உரிய வசதிகள் இன்னும் செய்து தராமல் இழுத்தடிப்பு செய்து கொண்டு இருக்கின்றார்கள்...பார்வை இட வேண்டிய முக்கியமாமான பகுதிகளை பார்க்காமல், ஏதோ ஒரு பேருக்கு பார்த்து சென்று இருக்கிறார் தமிழக முதல்வர்... முழு அளவிடும் தெரியாமல் நிவார தொகை 850 கோடி என அறிவித்து விட்டார்..(அதில் பாதியாச்சும் மக்களுக்கு போய் சேருமா என்றால் சந்தேகம் தான்)


Wednesday, January 4, 2012

JOANNA (உலக சினிமா) - விமர்சனம்



ஹிட்லர் யூதர்களை களைந்தெடுக்கும் காலம் அது... கொத்து கொத்தாக யூதர்களை கொன்று குவிக்கும் அத்தருணத்தில் படம் தொடங்குகிறது...

முதல் காட்சி, ஹோட்டலில் சிறுமியிடம் பேசிக்கொண்டு இருக்கிறாள் அவள் அம்மா.. அவர்கள் ஆடர் செய்யும் உணவுகளை ஜோனா என்னும் பெண் குறிப்பெடுத்துக்கொள்கிறாள்...திடீரென ஒரு நபர் அவள் அம்மாவை அழைக்க, அந்த குழந்தையை அருகில் உள்ள ஒரு தேவாலயத்துக்கு போகும் படியும், நான் பேசி விட்டு வருவதாக அந்த சிறுமியை அனுப்பி வைக்கிறாள்... திடீரென ஹிட்லரின் படைகள் அந்த ஹோட்டலுக்குள் நுழைந்து அங்கிருந்த யூதர்களை வண்டியில் ஏற்றுகிறது...அதில் அந்த பெண்ணையும் ஏற்றி செல்கிறார்கள்...

சிலர் அந்த படையை பார்த்தவுடன் தேவாலையம் சென்று ஒளிந்து கொள்கின்றனர்... அந்த சிறுமியும் தன் அம்மா வருவாள் என காத்துக்கொண்டு இருக்கிறாள்... படைகள் செல்லும் சத்தம் கேட்டு மற்றவர்கள் எல்லாம் கிளம்பி விட அவள் மட்டும் அங்கேயே இருக்கிறாள்.அன்று முழுதும் அங்கேயே இருக்க, இரவாகி அடுத்த நாளே விடிந்து விடுகிறது... முன்தினம் ஹோட்டலில் குறிப்பெடுத்த ஜோனா அதிகாலையிலேயே அந்த சிறுமியை கண்டேடுக்கிறாள்... யாருக்கும் தெரியாமல் அந்த பெண்ணை வீட்டுக்கு கூட்டி செல்கிறாள்...


அவளை பற்றி விசாரிக்கிறாள்... அவளுக்கு, அவள் பெயர் ரோஸ் என்பதை தவிர வேறு எதுவும் தெரியாது... எப்படியாவது கண்டுபிடித்து அவள் அம்மாவிடம் சேர்ப்பதாக சொல்கிறாள் ஜோனா... தனக்கு தெரிந்த நண்பர்களிடம் இருந்து ஆடைகளை வாங்கி வருகிறாள்... யார் கதவை தட்டினாலும் திறக்காதே, என்று சொல்லிவிட்டு அவள் ஒளிவதற்கு ஒரு இடமும் காட்டுகிறாள்...


நாட்கள் செல்ல செல்ல இருவரும் நெருக்கமாகிறார்கள்... ஜோனா, தனது கணவன் ராணுவத்தில் வேலை செய்வதாகவும் அவருக்காக காத்திருப்பதாகவும் கூறுகிறாள்... அவர்கள் ஒரு மலையில் எடுத்த போட்டோவையும் காட்டுகிறாள்...

Monday, January 2, 2012

2011இன் சில கவனிக்க வேண்டிய படங்கள்

என்ன தான் நல்ல கதைக்களம் இருந்தாலும் அதை மக்களிடம் கொண்டு சேர்க்கும் வித்தையான மார்க்கெட்டிங் எனும் விளம்பர யுக்தி இல்லாமல் மண்ணை கவ்விய படங்கள் பல உண்டு... அதை பற்றி விரிவாக பேசும் முன் 2011 இல் வெளிவந்த சில முக்கியமான படங்கள் இதோ...

தென்மேற்கு பருவக்காற்று:



2011 இல் தேசிய விருதுகளை அள்ளிய தமிழ் படம்...நல்ல கதைக்களம் இருந்தும் ஏதோ சரியான மார்கெட்டிங் யுக்திகளை கையால் எடுக்காததால் வசூல் அளவில் தோல்வி அடைந்த படம்...இன்னும் சொல்ல போனால் இந்த படம் விருது பெற்ற பிறகு தான் இப்படி ஒரு படமே வந்ததாக நண்பர்கள் சொல்லும் போது "என்ன கொடும டா இது" என தோன்றும்...

ஆடுகளம்:

தனுஷ் நடிப்பில் வெற்றி மாறன் இயக்கத்தில் பொங்கலுக்கு வெளிவந்த படம். ஏற்கனவே இவர்கள் கூட்டணியில் பொல்லாதவன் செம ஹிட்.. ஆனால் இந்த படம் ஏனோ எதிர் பார்த்த அளவுக்கு ஓடாமல் போனது... இருந்தும் தனுஷ், வெற்றி மாறன், கிஷோர், ஜெயபாலன் என விருதுகளை அள்ளினார்கள்... "விருது வாங்கினால் மட்டும் போதுமா கல்லா கட்டலையே"... 


காவலன்:

ஏற்கனவே ஓடின அஞ்சும் இழுத்து மூடியதில் இளைய தளபதி செம அப்செட்...
"சுறா" படம் தியேட்டரில் ஓடியதை விட தியேட்டரை விட்டு ஓடியது தான் அதிகம்... இதன் விளைவு சன்னின் கிடுக்கு பிடியில் மாட்டி காவலன் வெளியிட முடியாமல் துவண்டு போனது. இவரும் தந்தையுன் போயஸ் கார்டன் சென்று அம்மாவின் ஆசியுடன் வெளிவந்த படம்...சித்திக் இயக்கத்தில் ஏற்கனவே மலையாளத்தில் கலக்கிய படம் தமிழில் சுப்பர் ஹிட்... இந்த படம் நிச்சயம் விஜய் ரசிகர்களுக்கு ஒரு ஆக்சிஜன்...

சிறுத்தை:

நான் மகான் அல்ல படத்திற்கு பிறகு கார்த்தியின் அடுத்த படம்... ஏற்கனவே தெலுங்கில் ஹிட் அடித்த ரவி தேஜாவின் படத்தின் உல்டா... இருந்தும் சந்தானத்தின் காமெடியால் பூஸ்டாகி படம் சக்கை போடு போட்டது...

யுத்தம் செய்:

மிஷ்கின் இயக்கத்தில் சேரன் நடிப்பில் வெளிவந்த படம்..எப்போதும் அழுத கண்களுடனும் எண்ணெய் வடிந்த முகத்துடனும் இருக்கும் சேரன் இதில் புதிதாக தெரிந்தார்...அவர் மட்டும் அல்ல நடிப்பும் தான்... பெரிய வசூல் என்று சொல்லாவிட்டாலும் ஒரு நல்ல வசூல்....

பயணம்:

மொழி,அபியும் நானும் வரிசையில் ராதா மோகனின் அடுத்த படம்... முக்கியமாக குடும்பத்துடன் சென்று பார்க்கலாம் என்று நம்பி போகும் இயக்குனர்களில் இவரும் ஒருவர்... பாடல்கள் இல்லை... இருந்தும் நல்ல கதைகளம் மற்றும் திரைக்கதை இருந்ததால் ஏதோ ஒரு நல்ல ரிசல்ட் கொடுத்தது...

கோ:

2011 இல் ஒரு பெரிய வசூல் அடித்த படம்...ஜீவா,ராதாவின் மகள் "கார்த்திகா",அஜ்மல் நடிப்பில் அயன் வெற்றிக்கு பிறகு கே.வி.ஆனந்தின் அடுத்த படம்...ஏற்படுத்திய எதிர்ப்பார்ப்பை நிறைவேற்றியது தான் இயக்குனரின் புத்திசாலித்தனம்...தமிழில் மட்டும் அல்லாது தெலுங்கிலும் நல்ல கலெக்சன்...ஏற்கனவே ஹாரிஸின் பாடல்கள் செம ஹிட்... இருந்தும் அஜ்மலை வில்லனாக்கி பிரகாஷ் ராஜை டம்மியாகிய காமெடி அழகான முழு சோற்று பூசணிக்காய்...இந்த படம் அடைந்த வெற்றியை விட இதன் மேல் சிம்பு கொண்ட கோவம் இன்னும் ஜீவாவுடன் வாய்க்கா தகராறில் உள்ளது...

வானம்:

ஒரு நல்ல மெசேஜ் சொன்ன படம்... சிம்பு,பரத்,அனுஷ்கா நடிப்பில் வெளிவந்த ஏற்கனவே தெலுங்கில் அல்லு அர்ஜுன் நடித்த "வேதம்" படத்தின் காப்பி...சிம்புவின் "எவண்டி உன்ன பெத்தான்" பாடல் ஹிட் அடித்தும் "கோ"விற்கு நிகரான ஈடு கொடுக்க முடியாமல் கவ்வியது... இருந்தும் சொல்லிக்கொள்ளும் அளவுக்கு ஒரு நல்ல வசூல்...'கோ" வில் ஒழுங்காக நடிக்காமல் ஹீரோயின் சரியில்லை அத மாத்து இத மாத்து என்று சொன்னதுக்கு கே.வி.ஆனந்த இவரையே மாற்றி விட்டு ஜீவா வை போட, ஜீவாவுக்கு பிடித்தது சனி...இன்னும் விடவில்லை...

அழகர்சாமியின் குதிரை:

நான் மகான் அல்ல காமர்ஷியலுக்கு பிறகு சுசீந்திரனின் அடுத்த படம்... இளையராஜவில் இனிப்பான இசையும் நல்ல கதைக்களமும் இருந்தும் படம் ஏனோ ஓடவில்லை...இந்த படம் கிளவுட் நயனுக்கு பெரிய அடி...

ஆரண்ய காண்டம்:

எந்த படத்தின் பாதிப்பும் இல்லாமல் வெளிவந்த படம்...தியாகராஜா குமாரராஜா வின் இயக்கத்தில், யுவனின் பின்னணி இசையில் படம் அருமை... உலக சினிமா தரத்தில் ஒரு தமிழ்படம் என்றும் கூட இதை சொல்லலாம்...இருந்தும், இந்த படம் நல்லா இருக்கு போய் பாருங்க ன்னு சொல்லி முடிக்கும் முன்னரே தியேட்டரில் இருந்து தூக்கப்பட்டது மிகப்பெரும் கொடுமை...

அவன் இவன்:

"நான் கடவுள்" படத்திற்கு பிறகு பாலாவின் இயக்கத்தில் யுவனின் இசையில் வெளிவந்த படம்... எப்போதும் பாலாவின் படத்திற்கு ஒரு எதிர்பார்ப்பு இருக்கும்...அதில் பத்து சதவிகிதம் கூட இந்த படம் பூர்த்தி செய்யாமல் போனது கொடுமையே... ஏற்கனவே பார்த்து பார்த்து சலித்து போன லைலா,சூர்யா கதாபாத்திரம் மீண்டும் மீண்டும் பார்க்க எரிச்சல்... முக்கியமாக ஆர்யாவின் தலைமுடி... இதில் ஒரே ஒரு ஆறுதல் விஷாலின் நடிப்பு... பாலா நன்றாகவே செதுக்கி இருக்கிறார்... இதனால் பீதியான ஆரியா,லிங்குசாமியின் "வேட்டை"யிலும் மாதவனுக்கு முக்கியத்துவம் கொடுத்தால் "ஒய் திஸ் கோல வெறி" னு சூப் சாங் பாடிக்கிட்டு இருக்கார்...

காஞ்சனா (முனி-2):

இந்த ஆண்டின் ஹிட் லிஸ்ட் இல் மூன்றாம் இடத்தில காஞ்சனா... ராகவா லாரன்சின் நடிப்பிலும் இயக்கத்திலும் வெளிவந்த படம்..பெரிதாக சொல்லும் படி இல்லாவிட்டாலும் பேய் கதையை காமெடியாக நகர்த்திய தந்திரத்தில் நன்றாக கல்லா கட்டியது...இந்த படத்தின் இசை தமன் என்று விக்கி பீடியாவில் பார்க்கும் போது தான் தெரியும்... பாடல்கள் அவ்வளவு மொக்கை...

You may like this